These are the text only pages from A Story To Share.Com, true stories of heartache and love. If you have been referred here by a search engine then click at the very bottom of the page to read hundreds of true stories of heartache and love.



      Yaad....

     


Office ke parking me khadi ek safed scorpio ki aur hum ja rahe the. Kandhe pe laptop latkaye, chalne ki ek dum dil nahi thi. Isliye wohi ruk gaya us gadi ko hilte hue dekh. Gadi bilkul humare samne ake ruki aur driver ne apna garden nikala aur pucha “Sir… baithiye “ Hum bina kuch kahe hi gadi me baith gaye aur gadi ki darwaza band karte hi dusri aur chala gaya. Bilkul driver ke piche aur khidki ki sise pe sar rakha… boht muskil se kuch alfaz sunai diya. Sir Ji?? Driver keh raha tha… par humari kan me kuch nahi aarahi thi humara dhyan kahi aur tha. Fir usne kuch kaha… Sir JI ?? Is bar hum puche, Kuch keh rahe ho bhaiya ??

Usne pucha kis route se jayenge ghar Jadavpur Connector se ya Gariahat se ?? Hume ne jawab diya, Gariahat se. Woh route boht hi lamba hota hai magar is driver bhaiya ko sahuliyat hota hai.. Kyun ke who apna dinner usi raste se utha sakta hai. Is liye hume koi jaldi nahi thi. Ghar jane ki. Ghari par tab bhi 10 minute baki the 11 bajne me. Achanak sms aya , ma thi dusri aur… “ghar kab araha hai”.. padte padte huamre ankho se ansu chalak gaye. Mobile switch off karke humne apni jeb me dal li.

Bus char din pahle ki to bat hai. Aise hi kitne sms ate the Sana ke mobile se, us ke kitne call ate the, “Jan ghar kab aaoge” Aur hum ghar ke liye bhage bhage chal padte the. Ghar pohuch ke hi hum. Bina change kiye hum computer ke samne baith jate the. Hum dono kitne pyar me pagal the. Ek pal me ek dusre ka hal jan na jaruri tha . Jitna chahe bat karo dil bharta hi nahi tha. Na uska na humara. Jarurat ho ya na ho..mauka ho ya na ho hum bat karne ki bahane dhundte the.

Ansu gal par re guzar rahi thi, humari halat itni buri thi ke hath utha ke ponch ne ka dil bhi nahi kar raha tha. Pichle char rato se hum soye nahi. Peer se hi humari neend udi hui thi aur aj jumrat hai, humne socha bhi nahi tha.. ke achanak ye ho jayega…

Kal rat ko hi to us se phone pe bat hui ‘ Char din pehle to hi bat kar rahe the, aur dono hi man motaw kar ke the, dono hi achanak jhagra karne lage “ Tumhe kabhi mujhpe bharosa bhi tha” achanak ye line jehan me daur gayee. Uska chehra yad aagaya tha. Ansu kuch aur boond chalke ankh se, ye kambakht to rukne ka nam bhi le raha tha. Jaise sare dariya ka pani yehi hai, Uski ye bat humare jehan me taja thi. Hume sochne me majboor kar diya ke sayad hi hum use utni pyar karte the jitna wo humse karti hai. Phir socha ke ha sayad utna hi karta hu. Jyada bhi nahi kam bhi nahi. Warna aj kal ke jamane me koun bina dekhe kisi ko pyar kar sakta hai. ( ye kabhi usne kaha tha ) Kisi ko bina hi chuye, use apni jindegi banana ki sochta hai. Ha mera pyar alag hai, pak hai… aur sayad sab se acha hai. Fir humare dusre fariste ( zameer) ne kaha ke tum apne ap pe ghamand mat karo, us ladki me hi alag bat hai ke. Jo kabhi kisi se pyar nahi karta tha. Uske patthar dil ko pighla diya , wo ladki khas hai… tum nahi..

Humare chehre pe kabhi muskan ek am bat thi, magar aj kal dost keh rahe the ke hum husna bhul gaye hai, hume nahi pata ke hum kya kare. Aisa kya kare ke hum use phir se pa jaye. Humare sab se acha dost Imran ka kahna hai ke jis ladki to dekha nhi uske bare me mat socho kyun ke khayal aur haqeeqat alag hoti hai…. Tajjub hai jo humse kabhi kuch nahi kehta tha, aj wo hume mashwara de raha hai. Jo ke humesa humse mashwara leta tha. Sayad wo thik bhi hai, agar Sana ke najro me hum khare nahi utre to, agar use bad me humse sadi karke pachtawa ho jaye to ? Agar use wo sari khusiya nahi de paun to, jiski who haqdar hai.. Pata hai ke sayad Sana kabhi humse kuch nahi manengi, magar phir bhi…

Achanaka kuch din pehle ki bat yaad aagayee..” Acha suno, tumhe citi bajani ati hai??? Hum dar dar ke jawab diye Ha…. Kabhi ye kisi ne nahi pucha tha..aj se pehle.. Humne phir pucha us se, “Kyun ?? puche ke hume citi bajani ati hai ke nahi… “ Hume citi bajani aur sun na acha lagta hai.. agar nahi ati to jaldi seekh lo…. “ aur fir tin din bad hi hum us se rat ke do baje tarah tarah ki gano ka tune sunane lage…. Prize me hume who pehli bar boli “ I LOVE YOU”, humari to khusi ke mare dharkan ji ruk gayee thi… Kuch nahi sujh raha tha ke hum, kya bole kya kare?? Pehli bar kisi ke lab se humare liye duniya ki sabse khubsuurat line sun ne me aye….. Jis ko sun ne ke liye hum kab se be karar the.

Uski har bat boht yaad arahi thi..Jab wo hume chirati thi “ OHO” kehke gar use hume chiarana hota. Jab hum boht romantic hote the wo humari popat bana deti thi “OHoooooooooooooooo” kehke, hume bada acha lagta… Uspe bada hi pyar ata… Has te haste hum kho jate the… actually hum bat kya karte the.. Wo humare liye perfect thi. Choti si sana……. Masoom ……..aur us me wo sab kuch tha jo hume pasand ata tha.

Gadi garia hat se guzar rahi thi. Ek koi pick up dhaba se driver bhaiya khana le lega. Gadi achanak ruki to hum jhat se apne chehre pe lage ansu ponch liye, kuch sukhe gaye the kuch humare chehre se guzar gaye the. Baki ki ansu ko hum apne hatho aur chehre me lipat liya.

Driver Bhaiya Bole “ Sir… 5 minute gadi me rukiye hum khana le ke arahe hai.. Hum gadi ke andar me hi baithe rahe. Baithe baithe hume kuch aur haseen bat yaad aagayee… Us ko propose kar ne ke waqt hum French cut rakh rahe the.. Humne use apni ek pic bheji to aur use pucha “agar ap ko dadi pasand na aye to hum nikal denge” Uska jawab tha “ abhi rak lo, hum aye to nikal denge” jhat se jehan me ek aur bat aagayee…

“Tumne cigratte chori, ke nahi??” usne pucha tha ,

humne jawab diya “ Kosis kar raha hu”

“ Pi lo, Pi lo, hum waha ajaye to hume chute hui mile, warna room se out, out , out…

uske jawab me hum kuch nahi keh sake aur boht hase, dil khol ke hase, Uski wo dant…….allah kitna sukun deta… Duniya me humari fikar karne wali hume mil gayee…

Aur firse chalak aye ankhe……darwaze ke kholne ke awaz pe hum jhat se sar niche kar liye aur do boond anko se tapak pade mere sine me, driver bhaiya ko ab tak to sayad pata chal gaya tha ke hum bade hi kharab mood me hai… aur use ye bhi pata chal gaya ke hume ghar jane me boht jaldi nahi hai… to woh gadi ko chalu kar di.. aur bade hi sukun se wo gadi chala raha tha..

Ab agla stop ghar ka tha.. jyada se jyada 15 minute aur… Achanak hume wo pehli call yaad aagayee..

“ Mai Sana bol rahi hu… “ Hume laga ke, ye kaise possible ho sakta hai..

Hum ko kuch nahi sujh raha tha ke hum jawab me kya kahe… Dil ke dhardkane dhoka de rahe the…. Sanse badi tej ho rahi thi.. Hath pav thande ho rahe the.. Hum pagal jaise ya ha waha daur rahe the.. aur fir apne office ke garden me baith gaye.. Khud ko samhala… dher sari bat ki.. Use itni bechain kar diya ke.. Woh khud humse bat karna chahti thi.. Aur fir usne apni number bhi di thi…

Ek rat ko usko pakde jane ka dar lag raha tha, to wo bathroom me chup ke bat kar ne lagi …. Aur ye sil sila jari raha kuch din…. Usne ek code word bhi ijat kiya tha..

Mahi agar tume kabhi sak ho.. aur lag eke hum nahi hai dusri aur.. to kya karoge…

Usi ne hi kaha k eek code word kehna… Tum puchoge “ Koun bol rahe ho ??? “ Aur mai jawab dungi, Mai ap ki jan bol rahi hoon … Humare apne kan me yaki nahi tha.. Hume khud pata nahi ke hum kya kahe… Hum behad khus the, apne pyar se, khud se ,ap ni takdir se, apne khuda se…

Hume lag raha tha ke ye sun ke hi meri jan chali jaye to acha ho…. Lekin aj lagta hai ke sayad chali jati to sach me acha hota…………………



By knkalam@gmail.com

back

        | report story |
| comment on story |






| Love Stories | Heartache Stories | Love Quotes | Story Archive | Send Story | Message Board | Webmasters | Contact/About | Text Only | SiteMap

| Add to Yahoo | Add to Google | Add to MSN | rss feed | add to google toolbar Add Newstories to Google Toolbar |



© astorytoshare.com